sexta-feira, março 28, 2008

Corvos Brancos



O Carteiro de Bagdad xunto con outros dous libros galegos tivo a honra de entrar no catalogo White Ravens 2008 . Todas eles formarán parte dunha exposición durante a Feira Internacional do Libro Infantil e Xuvenil de Boloña entre o 31 de marzo e o 3 de abril, ademais incluiranse nun catalogo que se difundirá por todo o mundo.

quinta-feira, março 27, 2008

Un agasallo


Aqui podedes ver un book trailer que fixo a xente de Edelvives do meu Carteiro de Bagdad.

quarta-feira, março 26, 2008

Manda carallo!



"Hai que potenciar o castelán onde prima o galego"

Con valedores coma este a lingua de nós non precisa enimigo ningún.

segunda-feira, março 24, 2008

Nada mudou en Bagdad


Hai agora un ano, andaba ensarillado en contar a vida de Abdul e dos seus pais. Pasou outro ano máis, cinco dende o comezo da guerra, e todo segue igual baixo o balbordo dos disparos e das explosións. Sei que Abdul, Ibrahim, Fatiha, Ahmed, Faysal... viven aínda nas páxinas do meu libro, por desgraza, na realidade que cuspe a televisión, moitos outros non. Vaian estas palabras en homenaxe a todos eles, aos que día a día deixan a vida, os soños, as arelas, o futuro, nas perigosas rúas de Bagdad. Agardo que algún día Abdul poida regresar a escola, que Ibrahim poida repartir o correo sen medo a una bala perdida e que Fatiha poida pasear pola rúa mostrando o seu fermoso rostro. Agardo que algún día...

quarta-feira, março 19, 2008

Terras lonxanas



Por que non te fías dos homes?
Porque unha vez fieime de un

El non é James Stewart
aínda que leve un stetson
e un lazo texano no pescozo.
Ela tampouco é Ruth Roman
pero si unha rapaza de salón
que serve bourbon aos forasteiros.
Non están en Dogde City
nin ao oeste do río Pecos
senón a saída de Padrón
nunha lóbrega barra americana.





quinta-feira, março 13, 2008

Doppelgänger


Seica un tal Marcos S. Caldeiro é finalista dos premios da AELG cunha obra titulada Rinocerontes e Quimeras publicada por Tambre e a cargo do editor Nacho Chao. Deséxolle moita sorte.

quarta-feira, março 12, 2008

As meigas de Macbeth

“Chegamos a unha prosa de oficina que desdeña as formas e na que só importa o qué e non o cómo. Supoño que ten que ver con que a vulgaridade séntese maioritaria, e iso reflíctese na literatura e na rúa. Cando as meigas de Macbeth dixeron que o feo é fermoso e o fermoso é feo, semella que estaban profetizando. O concepto de transgresión , tal como se emprega hoxe, resúltame perverso. A beleza é máis transgresora que a fealdade.”

Jesus del Campo

sábado, março 08, 2008

A nena de Rajoy...

...viu onte como o seu pai Isaías morría nos seus brazos nun portal de Mondragón.

segunda-feira, março 03, 2008

Proxecto Identidade

A mais grande e sedutora argalleira do blogomillo (http://beliscospequenos.blogspot.com/) enleounos a un feixe de blogueiros e creadores para parir este Proxecto Identidade que xa tedes aquí (http://www.blurb.com/bookstore/detail/188262)
a vosa disposición.

Nota: Non sei que lle pasa ao blogger que non me deixa poñer enlaces, nin subir fotos, por iso este post vai así, a machado. Agardo poder amañalo axiña.