segunda-feira, fevereiro 09, 2009

Cocido madrileño


As conclusisóns que podemos tirar da exaltación do cocido madrileño onte en Santiago poderían resumirse nestes sinxelos puntos:
1º O escaso poder de convocatoria, só 3.000 nunha Quintana medio baleira, cando a máis pequecha festa de calquera produto gastronómico do país conta aos seus participantes por ducias de milleiros e iso que hai que pagar as racións e non teñen buses de balde como estes.
2º O infame emprego do termo "independentista" por parte dalgúns medios que lle serven de altofalantes, todos os coñecemos e négome a enlazalos, e que vai camiño de identificarse con ese outro tan querido polos mesmos: "islamista".
3º O fielmente retratados que quedaron os políticos galegos que ían tras da pancarta cos seus rostros desencaixados pola carraxe, e que dende onte pasaron xa a historia do aldraxe contra a nosa cultura como inimigos do galego. Berremos os seus nomes ben alto e non os esquezamos cando vaiamos a depositar o noso voto o un de marzo: Corina Porro, Carlos Negreira, Alfonso Rueda, Ignacio López-Chaves e Ana Pastor.
4º O escaso sentido do humor das forzas da orde e o lixeiros que andan sempre para darlle aos de sempre. Unha e outra vez, as pelotas de goma baten nos mesmos.


5 comentários:

Mario disse...

É que xa se sabe, a retranca énos algo tan propio que só a collemos os de aquí.

herba disse...

Os seareiros máis optimistas din que onte eran 2.500 as persoas da patética estampa. Se quitamos a Rosa Díez e Corina Porro quedan 2.498. Sacamos tamén os que viñeron de fóra de Galiza en autobús subvencionado e xa quedan 1617. Restámolles tamén esas dúas ducias de coñecidos que están sempre nas escaleiras da Quintana chova ou faga sol -entendo que non deben contar- e quedan 1.593. Quitamos os antidisturbios e entón xa só eran 312. Menos fotógrafos e periodistas, peregrinos de paso, turistas que queren ver a porta santa...
Meus pobres!

Anónimo disse...

Pelo que se vê nos vídeos, havia mais polícias de Robalcava que manifestantes e contramanifestantes.
Portanto, entre os de fora não polícias e os de fora polícias talvez chegassem aos 1000. *** Os polícias íam de escuro, como corresponde ao seu labor, e armados, como deve ser. Os manifestantes íam de "rojo igualdá" e os contramanifestantes íam como podiam e os deixaram os dignos representantes da autoridade competente. Enfim...

r.r. disse...
Este comentário foi removido pelo autor.
r.r. disse...
Este comentário foi removido pelo autor.