quinta-feira, maio 19, 2005

Love Will Tear Us Apart (versión libre)

Cando a rutina traba con forza,
coa ambición no val e o resentimento na curota,
as emocións non agroman
e afastámonos e tomamos diferentes estradas

Entón o amor,
o amor esgazaranos outra vez

¿ Por que o leito está tan frío ?
Ti que das a volta lonxe no teu lado
¿ Foi a miña cadencia a que estragou o noso respecto?
¿ A que estragou os nosos sentimentos enxoitos?
Con todo aínda fica esta súplica, esta alfaia das nosas vidas

O amor,
o amor esgazaranos outra vez

Ti berras en sonos e descobres tódalas miñas eivas
e eu co acre sabor da desesperación no meu padal
Penso que algo tan bo non pode funcionar sempre

Entón o amor,
o amor esgazaranos outra vez


(En lembranza de Ian Curtis pendurado dun adival na súa casa o 18 de maio de 1980 aos vintetrés anos)

1 comentário:

Santiago disse...

Ola folerpa: veño de ler no blog de Francisco Castro que tes algunha cousa escrita. A min gustame ler as cousas dos demais - novelas, contos, poemas - se está da tua man compartir podesme enviar algunha cousa a vafalungo@hotmail.com. Lereino con enbtusiasmo.

Que os Joy Division son un marabilla, estou contigo.