quarta-feira, maio 03, 2006

O dereito a folga ou a pancada na porta

O sector do metal está en folga para acadar un convenio colectivo despois de tan só un día de negociación e hoxe pola mañá cortaron a tráfico na cidade. A min pilláronme na rotonda da Calzada e malia explicarlles que en media hora tiña un xuízo no que defendía a un traballador nin sequera me deixaron dar a volta para procurar outro camiño e ademais gañei unha patada na porta do coche do chulo delegado sindical que dirixía o piquete informativo. Perante a indiferenza do policía local que se encolleu de ombreiros cando mirei cara el, renunciei a que o identificaran para denuncialo. Amais dun cento de condutores, no atasco ficaban tamén uns autobuses escolares ateigados de nenos sobreexcitados aos que tampouco deixou pasar. Namentres o pequerrecho tirano da pancada ría e comentaba cos demais o boa que estaba a loura que deixaran pasar no seu coche nos primeiros intres do corte, cando desapareceu os seus compañeiros achegáronse a min e pedíronme desculpas, compartimos uns cigarros e falamos.
Eu a ese milhomes vino moitas veces amparado no balbordo facendo das súas. Vino alporizando ao pelotón de linchamento ou paseando rojos na guerra civil ou agredindo a un detido á entrada de calquera xulgado. Ese home habita entre nós, camiña entre nós, toma ao café con nós, ese home é un covarde.

8 comentários:

no folerpo disse...

Outro comentario nazi de folerpa. E xa van uns cantos...

no folerpo disse...

Perdón, cando dixen "nazi" quería decir "señorito chulo fascista".

folerpa disse...

Carafio !!!! Que ilusión o meu primeiro comentario insultante. Xa aos botaba en falta, agora xa estou a altura do dono do bar que tantos recibe.
Non o vou borrar, vouno deixar aí pendurado, tamén o imprimirei e o enmarcarei. É unha mágoa que non te decidiras antes meu, pois dis que van uns cantos... Alegráchesme o día compañeiro.

Mundo Cruel disse...

Buf, menos mal que fronte a estes "nazis" que andan por aí inducindo a que lles couceen os coches hai xentes de ben, moderadas e respectuosas no falar, coma o tal "no folerpo".

folerpa disse...

Que razón tes mundo cruel. Non sei se autodenunciarme no xulgado coma inductor dos danos na porta do coche.

Juan Ginzo disse...

Bravo, amigo folerpa, por retratar a estos criminales de la tecla fácil. Un abrazo solidario de un lector contumaz.

opaco disse...

A mágoa é que no mundo sindical lle coñezo a algún outro milhomes deses... e si, é un covarde. Ao que está no folerpo: non cre vostede que para ser nazi ou señorito chulo fascista non tería que meter a todos os sindicalistas no mesmo saco? Por certo, como fai algún sindicalista coa patronal...

folerpa disse...

Grazas opaco e Juan pola vosa solidariedade antifascista.